மனித மண்டையோடு கண்டெடுப்பு

ஹஸ்பர் ஏ ஹலீம்

கிண்ணியா, மணியரசம் குளத்துக்கு அருகாமையில், மனித மண்டையோடு ஒன்று நேற்று  (14) மீட்கப்பட்டுள்ளதென, பொலிஸார் தெரிவித்தனர்.

ஒரு வருடத்துக்கு முன்னர், இப்பகுதியைச் சேர்ந்த இளைஞன் ஒருவரின் சடலம், இதே குளத்தில் முண்டமாக மீட்கப்பட்டுள்ளது. அச்சடலத்திலிருந்து காணாமல் போயிருந்த தலை தொடர்பில் மர்மம் இருந்து வந்த நிலையிலேயே, தற்போது மீட்கப்பட்டுள்ள மண்டையோடு, இவ்விளைஞனுடையதாக இருக்கலாம் என, பொலிஸார் சந்தேகிக்கின்றனர்.

சம்பவம் தொடர்பான மேலதிக விசாரணைகளை, கிண்ணியா பொலிஸார் முன்னெடுத்து வருகின்றனர்.