மீன்வாடி தீக்கிரை

திருகோணமலை, சம்பூர் பொலிஸ் பிரிவுக்குட்பட்ட உப்பூரல் பகுதியில், கடற்கரை ஓரமாக இருந்த மீன் வாடியொன்று, இனந்தெரியாதவர்களால் கடந்த 28ஆம் திகதி தீக்கிரையாக்கப்பட்டுள்ளதாக, சம்பூர் பொலிஸார் தெரிவித்தனர்.

தோப்பூரைச் சேர்ந்த எம்.பைஸர் என்பவருக்குச் சொந்தமான மீன் வாடியே, இவ்வாறு எரிந்துள்ளது.

குறித்த மீன்வாடி உரிமையாளர், மதிய நேர உணவுக்காக வீட்டுக்குச் சென்ற போதே, இச்சம்பவம் இடம்பெற்றுள்ளது.

இதன்போது மீன் வாடி முற்றாக எரிந்துள்ளதோடு, வாடியில் வைக்கப்பட்டிருந்த படகு இயந்திரங்கள் 5, மற்றும் வலைகள் உள்ளிட்ட பல பொருட்கள் எரிந்து நாசமாகியுள்ளன.

இச்சம்பவம் தொடர்பில், சம்பூர் பொலிஸார் விசாரணைகளை மேற்கொண்டு வருகின்றனர்.