மோட்டார் சைக்கிளைத் திருடியவர் கைது

மூதூர் பகுதியில் கடையொன்றில் நிறுத்தி வைக்கப்பட்டிருந்த 4 இலட்சம் ரூபாய் பெறுமதியான மோட்டார் சைக்கிளைத் திருடிய குற்றச்சாட்டில், 40 வயது நபரொருவரை, நேற்று முன்தினம் (26) கைதுசெய்துள்ளதாக மூதூர் பொலிஸார் தெரிவித்தனர்.

சி.சி.டி.வி கமெரா மூலமே சந்தேகநபரை இணங்கண்டு கைது செய்துள்ளதாகவும்  சந்தேகநபருக்கெதிராக திருட்டு வழக்குகள் பல, மூதூர் மற்றும் திருகோணமலை போன்ற நீதிமன்றங்களில் ஏற்கெனவே நடைபெற்று வருவதாகவும் மூதூர் பொலிஸார் தெரிவித்தனர்.