யானை தாக்கி வயோதிபர் பலி (படங்கள்)

-பதுர்தீன் சியானா, வடமலை ராஜ்குமாா், பொன்ஆனந்தம்

திருகோணமலை-குச்சவெளி பொலிஸ் பிரிவுக்குட்பட்ட திரியாய் பகுதியில் நேற்றிரவு (13) காட்டு யானையின் தாக்குதலுக்குள்ளாகி வயோதிபர் உயிரிழந்துள்ளதாக குச்சவெளி பொலிஸார் தெரிவித்தனர்.

உயிரிழந்தவர், திரியாய்- 05ஆம் வட்டாரத்தைச்சேர்ந்த காளியப்பன் செல்லப்பிள்ளை (65 வயது) என அடையாளம் காணப்பட்டுள்ளார்.

திரியாய் பகுதியிலுள்ள தனது வீட்டுக்கு அருகில் காட்டு யானை வந்த போது அதனை விரட்டிச்சென்ற நிலையில், யானை தாக்கியுள்ளதாக பொலிஸாரின் ஆரம்பக்கட்ட விசாரணையின் மூலம் தெரியவந்துள்ளது.

(படங்கள்:பதுர்தீன் சியானா)