ரி 56 ரக துப்பாக்கி மீட்பு

பதூர்தீன் சியானா

திருகோணமலை, வேலுர் கடற்கரைப்பகுதியில் கடற்கரைகளில் காணப்படுகின்ற குப்பைகளைப் புதைப்பதற்காக சனிக்கிழமை (08) மாலை குழியொன்றைத் தோண்டியபோது, ரி 56 துப்பாக்கியொன்று மீட்கப்பட்டுள்ளதாக பொலிஸார் தெரிவித்தனர்.

கரையோரப் பாதுகாப்புத் திணைக்கள உத்தியோகத்தர்கள் வழங்கிய தகவலையடுத்து அங்கு விரைந்த நிலாவெளிப் பொலிஸார் இத்துப்பாக்கியை மீட்டுள்ளனர்.

துருப்பிடித்த நிலையில் காணப்படுகின்ற இத்துப்பாக்கி, யுத்த காலத்தின் போது புதைக்கப்பட்டிருக்கலாம் எனத் தெரிவிக்கப்படுவதுடன், அது தற்போது நிலாவெளி பொலிஸ் நிலையத்தில் வைக்கப்பட்டுள்ளது என பொலிஸார் தெரிவித்தனர்.