வாள்வெட்டுக்கு இலக்கான இளைஞன் வைத்தியசாலையில்

பதுர்தீன் சியானா

திருகோணமலை -செல்வநாயக புரம் பாடசாலைக்கு அருகில்  வைத்து, இளைஞனொருவர் வாள் வெட்டுக்கு இலக்கான நிலையில் திருகோணமலை பொது வைத்தியசாலையில் அனுமதிக்கப்பட்டள்ளதாக பொலிஸார் தெரிவித்தனர்.

இந்தச் சம்பவம் நேற்று வெள்ளிக்கிழமை (11) இரவு 7.45க்கு இடம்பெற்றுள்ளதாக பொலிஸார் தெரிவித்தனர்.
திருகோணமலை -நித்தியபுரி -01வது ஒழுங்கையில் வசித்து வரும் வீ .விதுசன் (19 வயது ) என்ற இளைஞனே இவ்வாறு வாள் வெட்டுக்கு இலக்காகியுள்ளார்.

குறித்த நபரை தாக்கியதாக கூறப்படும் மூன்று சந்தேக நபரை தேடி வருவதாகவும் அதில் ஒருவரை சந்தேகத்தின் பேரில் கைது செய்துள்ளதாகவும் பொலிஸார் குறிப்பிட்டனர்.

இது தொடர்புடைய மேலதிக விசாரணைகளை பொலிஸார் மேற்கொண்டு வருகின்றனர்.