வான்எலவில் கைக்குண்டுகள் மீட்பு

திருகோணமலை, வான்எல பொலிஸ் பிரிவுக்குட்பட்ட வான் ஆற்றிலிருந்து M60 ரக மோட்டார் குண்டுகள் 4 மீட்கப்பட்டனவென, வான்எல பொலிஸார் தெரிவித்தனர்.

வான் ஆற்றுப் பகுதியில் நேற்று (08) மாலை மீன்பிடித்துக் கொண்டிருந்த மீனவர் ஒருவரின் வலையில் மோட்டார் குண்டொன்று சிக்கியுள்ளது.

இது சம்மந்தமாக குறித்த மீனவர், வான்எல பொலிஸாருக்கு வழங்கிய தகவலையடுத்து, குறித்த ஆற்றுப் பகுதியில் பொலிஸார் தேடுதல் நடத்திய போது, மேலும் 3 மோட்டார் குண்டுகள் மீட்கப்பட்டுள்ளன.

கந்தளாய் நீதவான் நீதிமன்ற அனுமதியை பெற்று, சூரியபுர விசேட அதிரடிப்படையினரின் உதவியுடன், இந்த 4 மோட்டார் குண்டுகளையும், இன்று (09) செயழிழக்கச் செய்யவுள்ளதாக, வான்எல பொலிஸார் தெரிவித்தனர்.