விசர் நாய் கடியால் எழுவர் பாதிப்பு

மூதூர் பொலிஸ் பிரிவுக்குட்பட்ட தோப்பூர், இக்பால் நகர் பகுதியில் விசர் நாய் கடிக்குள்ளான சிறுவர்கள் மூவர் உள்ளடங்களாக ஏழு பேர், மூதூர் தள வைத்தியசாலையில் இன்று (20) காலை அனுமதிக்கப்பட்டுள்ளனர்.

இக்பால் நகர், சல்மா பெண்கள் வித்தியாலயத்துக்கு முன்பாக நின்று கொண்டிருந்தவர்களையும் வீதியால் சென்றவர்களையும், விசர் நாயொன்று துரத்தித் துரத்திக் கடித்ததாக, சம்பவத்தை நேரில் கண்டவர்கள் தெரிவித்தனர்.

சம்பவம் குறித்து உரிய அதிகாரிகளின் கவனத்துக்குக் கொண்டு செல்லப்பட்டுள்ளதாகவும் அந்த நாயைப் பிடிக்க நடவடிக்கை எடுக்கப்பட்டுள்ளதாகவும், பிரதேச மக்கள் தெரிவித்தனர்.