ஹெரோயின் வைத்திருந்த இருவருக்கு விளக்கமறியலில்

திருகோணமலை, ஆண்டாங்குளம் பகுதியிலுள்ள வீடொன்றினுள் 380 மில்லிகிராம் ஹெரோயின்  போதைப் பொருளை  பொதி செய்து கொண்டிருந்த  இருவரை இம்மாதம் 25 ஆம் திகதி வரை விளக்கமறியலில் வைக்குமாறு திருகோணமலை நீதிமன்ற நீதிவான் எம்.எச்.எம்.ஹம்ஸா நேற்று முன்தினம் (16) உத்தரவிட்டார்.          

திருகோணமலை, ஆண்டாங்குளம், மிகுந்துபுர பகுதியைச் சேர்ந்த 23, 40 வயதுடைய இருவரே இவ்வாறு ஹெரோயின் போதைப்பொருளை பொதிசெய்து கொண்டிருந்த வேளையில், ஆண்டாங்குளம் பொலிஸ் விஷேட அதிரடிப்படையினரால் கைது செய்யப்பட்டு, உப்புவெளி பொலிஸாரிடம் ஒப்படைத்ததாகவும், உப்புவெளி பொலிஸார் சந்தேக நபர்களை திருகோணமலை நீதிமன்ற நீதிவான் முன்னிலையில் ஆஜர்படுத்திய போதே விளக்கமறியலில் வைக்குமாறு உத்தரவிட்டுள்ளார்.