யாழில் ஆர்ப்பாட்டம்...

வன்புணர்வுக்குட்படுத்தப்பட்டு கழுந்துநெரித்துக் கொலைசெய்யப்பட்ட 5 வயதான செயா சந்தவமியின் படுகொலை செய்யப்பட்ட சம்பவத்துக்கு எதிர்ப்புத் தெரிவித்து, யாழ்ப்பாணப் பல்கலைக்கழக நுண்கலைப்பீட மாணவர்களால் செவ்வாய்க்கிழமை (22) கண்டன ஆர்ப்பாட்டம் மேற்கொள்ளப்பட்டது.

'சிறுமியின் அநீதிக்கு தகுந்த நீதி வேண்டும்', 'குழந்தைகளுக்கான வன்முறையை எதிர்ப்போம்' மற்றும் 'சிறுமியை கொலை செய்த கொலையாளிகளுக்கு தகுந்த தண்டனை வழங்கவேண்டும்' ஆகிய வாசகங்களை தாங்கியவாறு இந்த கண்டன ஆர்ப்பாட்டம் முன்னெடுக்கப்பட்டது.

விரிவுரைகளைப் புறக்கணித்து மாணவர்கள் இந்த ஆர்ப்பாட்டத்தை மேற்கொண்டிருந்தமை குறிப்பிடத்தக்கது. (படப்பிடிப்பு - செல்வநாயகம் கபிலன்)