333 ஓட்டங்களுடன் ஆட்டமிழந்த பாகிஸ்தான்

தென்னாபிரிக்காவுக்கெதிரான இரண்டாவது டெஸ்டின் முதலாவது இனிங்ஸில் 333 ஓட்டங்களுடன் தமது சகல விக்கெட்டுகளையும் பாகிஸ்தான் பறிகொடுத்தது.

இரண்டு போட்டிகள் கொண்ட இத்தொடரில், ராவல்பின்டியில் திங்கட்கிழமை (20) ஆரம்பித்த இப்போட்டியில் முதலில் துடுப்பெடுத்தாடிய பாகிஸ்தானின் அணித்தலைவர் ஷண் மசூட் 87, செளட் ஷகீல் 66, அப்துல்லா ஷஃபிக் 57, சல்மான் அக்ஹா 45 ஓட்டங்களைப் பெற்றனர். பந்துவீச்சில் கேஷவ் மஹராஜ் 7, சைமன் ஹாமர் 2, ககிஸோ றபாடா ஒரு விக்கெட்டைக் கைப்பற்றினர்.