அடுத்தாண்டுடன் விலகுகிறார் ட்ரெவர் பெய்லிஸ்

இங்கிலாந்து கிரிக்கெட் அணியின் பயிற்றுவிப்பாளர் பதவியிலிருந்து, அடுத்தாண்டு நடைபெறும் ஆஷஸ் தொடர் முடிவில் தனது ஒப்பந்தம் முடிவடையும்போது ட்ரெவர் பெய்லிஸ் விலகவுள்ளார்.

55 வயதான ட்ரெவர் பெய்லிஸ், 2015ஆம் ஆண்டு இங்கிலாந்தின் பயிற்றுவிப்பாளராக நியமிக்கப்பட்டிருந்த நிலையில், தற்போது அவரின் பயிற்றுவிப்பின் கீழ் 4-0 என்ற ரீதியில் ஆஷஸை இங்கிலாந்து இழந்துள்ளது.

எவ்வாறெனினும், ட்ரெவர் பெய்லிஸின் பயிற்றுவிப்பின் கீழ், இங்கிலாந்தில் வைத்து ஆஷஸை இங்கிலாந்து 2015ஆம் ஆண்டு வென்றதுடன், தென்னாபிரிக்காவுக்கெதிரான டெஸ்ட் தொடரிலும் தென்னாபிரிக்காவில் வைத்து வென்றிருந்தது.