இங்கிலாந்து வீரர்களின் குடிக்கு விதிகள்

ஆஷஷ் அவுஸ்திரேலிய சுற்றுப்பயணத்தில், குடிக்கான நடைமுறைக்கேற்ற விதிகளுக்கு இங்கிலாந்து கிரிக்கெட் வீரர்கள் இணங்கியுள்ளதாகத் தெரிவித்த இங்கிலாந்து கிரிக்கெட் அணியின் பயிற்சியாளர் ட்ரெவர் பெய்லிஸ், ஆனால் ஊரடங்குகள் எதுவுமிருக்காது எனக் கூறியுள்ளார்.

மேற்கிந்தியத் தீவுகளுக்கெதிரான இங்கிலாந்தின் ஒருநாள் சர்வதேசப் போட்டித் தொடரின்போது, பிறிஸ்டல் இரவுவிடுதியொன்றுக்கு வெளியே இடம்பெற்ற கைகலப்பின் பின்னர் இவ்வாண்டு செப்டெம்பரில் பென் ஸ்டோக்ஸ் கைது செய்யப்பட்டிருந்த நிலையிலேயே பெய்லிஸின் மேற்கூறப்பட்ட கருத்து வெளியாகியுள்ளது.

இதேவேளை, மேலும் கருத்துத் தெரிவித்த பெய்லிஸ், போட்டிகளுக்கிடையே குடிக்காமல் விடுவது நடைமுறைக்கேற்றது எனக் கூறியுள்ளதுடன் எப்போது குடிக்க வேண்டும் என்பதை வீரர்கள் தெரிவு செய்ய வேண்டும் என்றும் ஆனால் எப்போது அதிலிருந்து விலகியிருக்க வேண்டுமென்றும் அறிந்திருக்க வேண்டும் எனத் தெரிவித்துள்ளார்.