இறுதிப் போட்டியில் ஆர்சனல்

இங்கிலாந்து கால்பந்தாட்டக் கழகங்களுக்கிடையிலான விலகல் முறையிலான இங்கிலாந்து கால்பந்தாட்ட லீக் கிண்ணத்தின் இறுதிப் போட்டிக்கு ஆர்சனல் தகுதிபெற்றுள்ளது.

செல்சியின் மைதானத்தில் இடம்பெற்ற முதலாவது சுற்று அரையிறுதிப் போட்டியில் இரண்டு அணிகளும் கோலெதனையும் பெற்றிருக்காத நிலையில், தமது மைதானத்தில் நேற்று இடம்பெற்ற இரண்டாவது சுற்றுப் போட்டியில் 2-1 என்ற கோல் கணக்கில் வென்று 2-1 மொத்த கோல்களின் அடிப்படையிலேயே இறுதிப் போட்டிக்கு ஆர்சனல் தகுதிபெற்றது. ஆர்சனல் சார்பாகப் பெறப்பட்ட ஒரு கோலை கிரனிட் ஸாகா பெற்றதோடு, மற்றைய கோல் ஓவ்ண் கோல் முறையில் பெறப்பட்டிருந்தது. செல்சி சார்பாகப் பெறப்பட்ட கோலை ஈடின் ஹஸார்ட் பெற்றிருந்தார்.