இறுதிப் போட்டியில் மிலன்

கோப்பா இத்தாலியா தொடரின் இறுதிப் போட்டிக்கு ஏ.சி மிலன் தகுதி பெற்றுள்ளது.  

பரம வைரியான இன்டர் மிலனை அரையிறுதிப் போட்டியில் வென்றே இறுதிப் போட்டிக்கு ஏ.சி மிலன் தகுதி பெற்றது.  

முதலாவது சுற்று அரையிறுதிப் போட்டியானது 1-1 என்ற கோல் கணக்கில் சமநிலையில் முடிவடைந்த நிலையில் புதன்கிழமை (23) நடைபெற்ற இரண்டாவது சுற்றுப் போட்டியில் 3-0 என்ற கோல் கணக்கில் வென்று 4-1 என்ற மொத்த கோல் கணக்கிலேயே இறுதிப் போட்டிக்கு ஏ.சி மிலன் தகுதி பெற்றது.  

ஏ.சி மிலன் சார்பாக லூகா ஜோவிச் இரண்டு கோல்களையும், டிஜ்ஜனி றெஜின்டர்ஸ் ஒரு கோலையும் பெற்றனர்.