இலங்கைக்கெதிரான தொடருக்கான பங்களாதேஷ் குழாம் அறிவிப்பு

இலங்கைக்கெதிரான டெஸ்ட் தொடருக்கான பங்களாதேஷ் குழாம் அறிவிக்கப்பட்டுள்ளது.

இக்குழாமில் வேகப்பந்துவீச்சாளர்கள் எபொடொட் ஹொஸைன், காலிட் அஹ்மட், நஹிட் ரானா, சுழற்பந்துவீச்சாளர் ஹஸன் முராட், துடுப்பாட்டவீரர் லிட்டன் தாஸ் ஆகியோர் குழாமுக்குத் திரும்பியுள்ளனர்.

பங்களாதேஷ் இறுதியாகப் பங்கேற்ற டெஸ்ட் தொடரான சிம்பாப்வேக்கெதிரான தொடருக்கான குழாமில் இடம்பெற்றிருந்த துடுப்பாட்டவீரர் மஹ்முடுல் ஹஸன் ஜோய், சுழற்பந்துவீச்சாளர் தன்வீர் இஸ்லாம், வேகப்பந்துவீச்சாளர் தன்ஸிம் ஹஸன் சகிப் ஆகியோர் குழாமில் இடம்பெறவில்லை.

குழாம்: நஜ்முல் ஹொஸைன் ஷன்டோ (அணித்தலைவர்), ஷட்மன் இஸ்லாம், அனமுல் ஹக் பிஜோய், மொமினுல் ஹக், முஷ்பிக்கூர் ரஹீம், லிட்டன் தாஸ், மஹிடுல் இஸ்லாம், ஜாகிர் அலி, மெஹிடி ஹஸன் மிராஸ், தஜியுல் இஸ்லாம், நயீம் ஹஸன், ஹஸன் முராட், எபொடொட் ஹொஸைன், ஹஸன் மஹ்மூட், நஹிட் ரானா, காலிட் அஹ்மட்