எல்.பி.எல்: தம்புள்ள ஓறாவை வென்ற ஜஃப்னா கிங்ஸ்

லங்கா பிறீமியர் லீக்கில், ஹம்பாந்தோட்டையில் இன்று நடைபெற்ற தம்புள்ள ஓறாவுடனான போட்டியில் நடப்புச் சம்பியன்களான ஜஃப்னா கிங்ஸ் வென்றது.

இப்போட்டியின் நாணயச் சுழற்சியில் வென்ற ஓறாவின் அணித்தலைவர் தசுன் ஷானக, தமதணி முதலில் துடுப்பெடுத்தாடும் என அறிவித்தார்.

அந்தவகையில் முதலில் துடுப்பெடுத்தாடிய ஓறா, 20 ஓவர்களில் 9 விக்கெட்டுகளை இழந்து 121 ஓட்டங்களைப் பெற்றது. துடுப்பாட்டத்தில், ஜோர்டான் கொக்ஸ் 43 (22) ஓட்டங்களைப் பெற்றார். பந்துவீச்சில், மகேஷ் தீக்‌ஷன 4-0-20-3, விஜயகாந்த் வியாஸ்காந்த் 4-0-24-3, ஜேம்ஸ் புல்லர் 4-0-16-2, ஸமன் கான் 4-0-28-1 என்ற பெறுதிகளைக் கொண்டிருந்தனர்.

பதிலுக்கு, 122 ஓட்டங்களை வெற்றியிலக்காகக் கொண்டு துடுப்பெடுத்தாடிய கிங்ஸ், சதீர சமரவிக்கிரமவின் ஆட்டமிழக்காத 62 (44), அவிஷ்க பெர்ணாண்டோவின் 51 (49) ஓட்டங்களோடு 15.4 ஓவர்களில் ஒரு விக்கெட்டை இழந்த நிலையில் வெற்றியிலக்கையடைந்தது.

இப்போட்டியின் நாயகனாக சதீர சமரவிக்கிரம தெரிவானார்.