ஏ.சி மிலன் முகாமையாளராக கட்டுஸோ

இத்தாலிய சீரி ஏ கால்பந்தாட்டக் கழகமான ஏ.சி மிலன், முகாமையாளர் வின்சென்ஸோ முன்டலாவை நீக்கியதோடு, அவரை ஜெனாரோ கட்டுஸோ மூலம் பிரதியீடு செய்துள்ளது.  ஏ.சி மிலனின் முன்னாள் மத்தியகள வீரரான ஜெனாரோ கட்டுஸோ, ஏ.சி மிலனின் இளம் அணியை முகாமை செய்ததிலிருந்தே தற்போது பதவியுயர்த்தப்பட்டுள்ளார்.

சீரி ஏ புள்ளிகள் பட்டியலில், 20 புள்ளிகளுடன் ஏழாமிடத்திலிருக்கும் ஏ.சி மிலன், தரவரிசையில் முதலிடத்திலிருக்கும் நாப்போலியை விட 18 புள்ளிகள் குறைவாகவுள்ளது. இப்பருவகாலத்தில் 14 போட்டிகளில் விளையாடியுள்ள ஏ.சி மிலன், ஆறு போட்டிகளில் தோல்வியடைந்துள்ளது.