ஐ.பி.எல்: மூன்றாமிடத்தில் ராஜஸ்தான் றோயல்ஸ்

இந்தியன் பிறீமியர் லீக்கில் (ஐ.பி.எல்) புள்ளிகள் பட்டியலில் மூன்றாமிடத்தை ராஜஸ்தான் றோயல்ஸ் பெற்றது.

ஞாயிற்றுக்கிழமை (19) நடைபெறவிருந்த கொல்கத்தா றைட் றைடர்ஸுடனான போட்டியானது மழையால் கைவிடப்பட்ட நிலையிலேயே 14 போட்டிகளில் 17 புள்ளிகளைப் பெற்றிருந்தது.

இதேவேளை ஹைதரபாத்தில் நடைபெற்ற மற்றைய போட்டியில் பஞ்சாப் கிங்ஸை சண்றைசர்ஸ் ஹைதரபாத் வென்றது.

அந்தவகையில் சண்றைசர்ஸும், ராஜஸ்தானும் தலா 17 புள்ளிகளைப் பெற்ற நிலையில் ஓட்ட விகிதத்தில் இரண்டாமிடத்தைப் பெற்ற சண்றைசர்ஸ் முதலாவது தகுதிகாண் போட்டிக்குத் தகுதிபெற, மூன்றாமிடத்தைப் பெற்ற ராஜஸ்தான் வெளியேற்றப் போட்டியில் றோயல் சலஞ்சர்ஸ் பெங்களூருவுடன் மோதவுள்ளது.

அஹமதாபாத்தில் இன்றிரவு 7.30 மணிக்கு நடைபெறவுள்ள முதலாவது தகுதிகாண் போட்டியில் சண்றைசர்ஸை கொல்கத்தா நைட்றைடர்ஸ் எதிர்கொள்ளவுள்ளது.