ஓய்வை அறிவித்த கரெத் பேல்

வேல்ஸ் அணித்தலைவரான கரெத் பேல், 33ஆவது வயதில் கால்பந்தாட்டத்திலிருந்து தனது ஓய்வை அறிவித்துள்ளார்.

வேல்ஸின் சிறந்த கால்பந்தாட்டவீரராகக் கருதப்படும் பேல், வேல்ஸுக்காக அதிக போட்டிகளாக 111 போட்டிகளில் விளையாடியுள்ளதோடு, அதிக கோல்களை 41 கோல்களையும் பெற்றுள்ளார்.

இங்கிலாந்து பிறீமியர் லீக் கழகமான டொட்டென்ஹாம் ஹொட்ஸ்பர், ஸ்பானிய லா லிகா கழகமான றியல் மட்ரிட் ஆகியவற்றுக்காக விளையாடியிருந்த பேல், இறுதியாக ஐக்கிய அமெரிக்காவின் மேஜர் லீக் கழகமான லொஸ் ஏஞ்சலஸுக்காக விளையாடியிருந்தார்.