கொழும்பு-12, கணபதி இந்து மகளிர் மகா வித்தியாலயத்தின் 2026ஆம் ஆண்டுக்கான வருடாந்த இல்லங்களுக்கு இடையிலான விளையாட்டு விழா (Annual Inter-House Sports Meet), நேற்று (மார்ச் 26) கொழும்பு சுகததாச தேசிய விளையாட்டரங்கில் கோலாகலமாக நடைபெற்றது.
பாடசாலை அதிபர் திருமதி ஜி. கிருஷ்ணவதனி தலைமையில், பாடசாலை அபிவிருத்திச் சங்கம் மற்றும் ஆசிரியர்களின் ஒருங்கிணைப்பில் காலை 9:30 மணியளவில் விழா ஆரம்பமானது. வர்ணமயமான அணிவகுப்பு மரியாதையைத் தொடர்ந்து, மாணவிகளின் பல்வேறு விளையாட்டுத் திறமைகள் மைதானம் எங்கும் வெளிப்பட்டன.
இந்நிகழ்வில் பிரதம விருந்தினராக கொழும்பு வலயக் கல்வி அலுவலகத்தின் கல்வி அபிவிருத்திக்கான பிரதிப் பணிப்பாளர் திரு. கே. ரஞ்சித் பிரேமதிலக்க கலந்து கொண்டு சிறப்பித்தார். கௌரவ விருந்தினர்களாக:
• பாடசாலையின் முன்னாள் அதிபர்கள் திருமதி தனா சுப்பிரமணியம் மற்றும் திருமதி சாந்தினி சர்மா.
• கொழும்பு மத்திய பிரிவு கோட்டக் கல்விப் பணிப்பாளர் திருமதி டி.பி. திஸாநாயக்க.
விருந்தினர்கள் அனைவரும் வெற்றி பெற்ற மாணவிகளுக்குப் பரிசில்களை வழங்கி கௌரவித்தனர். ஸ்ரீ கிருஷ்ணா கூட்டுறவு நிறுவனத்தின் தலைவர் திரு. மனோ செல்வநாதன் மற்றும் அதன் இயக்குநர் திரு. ஹரி செல்வநாதன் ஆகியோரின் மேலான அனுசரணையில் இவ்விளையாட்டுப் போட்டிகள் மிக நேர்த்தியாக ஏற்பாடு செய்யப்பட்டிருந்தன.
போட்டி முடிவுகள்
ஓட்டப்பந்தயம், அஞ்சலோட்டம் மற்றும் ஏனைய மைதானப் போட்டிகளில் மாணவிகள் மிகுந்த உற்சாகத்துடன் போட்டியிட்டனர். விறுவிறுப்பாக நடைபெற்ற இந்தப் போட்டிகளின் முடிவில்:
• முதலிடம்: நீல நிற அப்பர் இல்லம் (2026ஆம் ஆண்டிற்கான சாம்பியன் கிண்ணத்தைச் சுவீகரித்தது).
• இரண்டாமிடம்: சிவப்பு நிற சம்பந்தர் இல்லம்.
• மூன்றாமிடம்: பச்சை நிற சுந்தரர் இல்லம்.
மாணவிகளின் உடற்பயிற்சிக் கண்காட்சியும், வினோத உடைப் போட்டிகளும் பார்வையாளர்களை வெகுவாகக் கவர்ந்தன. ஆசிரியர்கள், பெற்றோர்கள் மற்றும் பழைய மாணவிகள் எனப் பெருந்திரளானோர் திரண்டு வந்து மாணவிகளை உற்சாகப்படுத்தியமையால் விழா சிறப்புற நிறைவு பெற்றது.
நன்றி: ஞான பிரசாந்தன்
