சமநிலையில் இங்கிலாந்து – வட மசிடோனியா போட்டி

ஐரோப்பிய கால்பந்தாட்டச் சங்கங்களின் ஒன்றியத்தின் யூரோ கிண்ண தகுதிகாண் போட்டிகளில், வட மசிடோனியாவில் நேற்று அதிகாலை நடைபெற்ற அவ்வணியுடனான போட்டியை 1-1 என்ற கோல் கணக்கில் இங்கிலாந்து சமப்படுத்தியது.

இங்கிலாந்து சார்பாகப் பெறப்பட்ட கோலானது ஓவ்ண் கோல் முறையில் பெறப்பட்டிருந்ததுடன், வட மசிடோனியா சார்பாகப் பெறப்பட்ட கோலை எனிஸ் பார்ட்ஹி பெற்றிருந்தார்.

இந்நிலையில், ஜேர்மனியில் நடைபெற்ற உக்ரேனுடனான போட்டியை 0-0 என்ற கோல் கணக்கில் சமப்படுத்திய இத்தாலி, யூரோ கிண்ணப் போட்டிகளுக்குத் தகுதி பெற்றது.

இதேவேளை வட அயர்லாந்தில் நடைபெற்ற அவ்வணியுடனான போட்டியில் 0-2 என்ற கோல் கணக்கில் டென்மார்க் தோற்றது.