சமநிலையில் செல்சி – லிவர்பூல் போட்டி

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், செல்சியின் மைதானத்தில் இன்று அதிகாலை நடைபெற்ற அவ்வணியுடனான போட்டியை 0-0 என்ற கோல் கணக்கில் லிவர்பூல் சமப்படுத்தியது.

இதேவேளை, தமது மைதானத்தில் நடைபெற்ற அஸ்டன் வில்லாவுடனான போட்டியில் 1-2 என்ற கோல் கணக்கில் லெய்செஸ்டர் சிற்றி தோற்றது.

அந்தவகையில், பிறீமியர் லீக் புள்ளிகள் பட்டியலில் 72 புள்ளிகளுடன் முதலாமிடத்தில் ஆர்சனல் உள்ளது. 64 புள்ளிகளுடன் இரண்டாமிடத்தில் நடப்புச் சம்பியன்களான மன்செஸ்டர் சிற்றி காணப்படுவதுடன், தலா 50 புள்ளிகளைப் பெற்றுள்ளபோதும் கோலெண்ணிக்கை அடிப்படையில் மூன்றாம், நான்காமிடங்களில் நியூகாசில் யுனைட்டெட்டும், டொட்டென்ஹாம் ஹொட்ஸ்பரும் காணப்படுகின்றன. இதில், சிற்றி ஒரு போட்டி குறைவாக விளையாடியுள்ளதுடன், நியூகாசில் இரண்டு போட்டிகள் குறைவாக விளையாடியுள்ளது.