சமநிலையில் பிரேஸில் – ஆர்ஜென்டீனா போட்டி

 கட்டாரில் அடுத்தாண்டு நடைபெறவுள்ள சர்வதேச கால்பந்தாட்டச் சம்மேளனத்தின் உலகக் கிண்ணத் தொடருக்கான தென்னமெரிக்க கால்பந்தாட்டச் சம்மேளன தகுதிகாண் போட்டிகளில், ஆர்ஜென்டீனாவில் நேற்றுக் காலை நடைபெற்ற அவ்வணிக்கும், பிரேஸிலுக்கு மிடையிலான போட்டி 0-0 என  சமநிலையில் முடிவடைந்தது. 

அந்தவகையில், உலகக் கிண்ணத்துக்கு ஆர்ஜென்டீனா தகுதி பெற்றது. 

இதேவேளை, பொலிவியாவில் நடைபெற்ற அவ்வணியுடனான போட்டியில் 0-3 என்ற கோல் கணக்கில் உருகுவே தோற்றது. பொலிவியா சார்பாக, ஜுவான் கார்லோஸ் ஆர்சே இரண்டு கோல்களையும், மார்செலோ மார்டின்ஸ் மொரெனோ ஒரு கோலையும் பெற்றனர்.

இந்நிலையில், கொலம்பியாவில் நடைபெற்ற அவ்வணிக்கும், பராகுவேக்குமிடையிலான போட்டியானது 0-0 என்ற கோல் கணக்கில் சமநிலையில் முடிவடைந்தது.

இதேவேளை, சிலியில் நடைபெற்ற அவ்வணிக்கும் ஈக்குவடோருக்குமிடையிலான போட்டியில் 0-2 என்ற கோல் கணக்கில் சிலி தோற்றது. ஈக்குவடோ சார்பாக, எர்விஸ் எஸ்டுபினான், மொய்ஸஸ் கைசெடோ ஆகியோர் தலா ஒவ்வொரு கோலைப் பெற்றனர்.