ஜுவென்டஸை வென்ற றியல் மட்ரிட்

சம்பியன்ஸ் லீக்கில் தமது மைதானத்தில் வியாழக்கிழமை (23) நடைபெற்ற இத்தாலிய சீரி ஏ கழகமான ஜுவென்டஸுடனான போட்டியில் 1-0 என்ற கோல் கணக்கில் ஸ்பானிய லா லிகா கழகமான றியல் மட்ரிட் வென்றது.

மட்ரிட் சார்பாகப் பெறப்பட்ட கோலை ஜூட் பெலிங்ஹாம் பெற்றார்.

இதேவேளை செக் குடியரசின் ஸ்லாவியா பிராக்குடன் தமது மைதானத்தில் நடைபெற்ற போட்டியை இன்னொரு சீரி ஏ கழகமான அத்லாண்டா 0-0 என்ற கோல் கணக்கில் சமப்படுத்தியது.

இந்நிலையில் தமது மைதானத்தில் நடைபெற்ற இங்கிலாந்து பிறீமியர் லீக் கழகமான டொட்டென்ஹாமுடனான போட்டியை 0-0 என்ற கோல் கணக்கில் பிரெஞ்சு லீக் 1 கழகமான மொனாக்கோ சமப்படுத்தியது.

இதுதவிர போர்த்துக்கல் கழகமான ஸ்போர்ட்டிங்கின் மைதானத்தில் நடைபெற்ற அவ்வணியுடனான போட்டியில் 1-2 என்ற கோல் கணக்கில் பிரெஞ்சு லீக் 1 கழகமான மர்ஸெய் தோல்வியடைந்தது.