டொட்டேன்ஹாம் வெற்றி

இடம்பெற்றுவரும் இங்கிலாந்து பிறீமியர் லீக்கின் கடந்த ஞாயிற்றுக்கிழமை (13) இடம்பெற்ற போட்டியில் டொட்டேன்ஹாம் ஹொட்ஸ்பூர் அணி வெற்றி பெற்றுள்ளது.

டொட்டேன்ஹாம் ஹொட்ஸ்பூர், அஸ்டன் வில்லா ஆகிய அணிகளுக்கிடையில் இடம்பெற்ற போட்டியில், 2-0 என்ற கோல்கணக்கில் டொட்டேன்ஹாம் ஹொட்ஸ்பூர் அணி வெற்றி பெற்றுள்ளது.  இப்போட்டியில் பெறப்பட்ட இரண்டு கோல்களையும், 45ஆவது, 48ஆவது நிமிடங்களில் ஹரி கேன் பெற்றிருந்தார்.

இப்போட்டியில் பெறப்பட்ட வெற்றியுடன் தமக்கும் இங்கிலாந்து பிறீமியர் லீக் புள்ளிகள் தரவரிசையில் முதலிடத்தில் இருக்கும் லெய்செஸ்டர் சிற்றிக்குமிடையிலான புள்ளிகள் வித்தியாசத்தை இரண்டாக குறைத்துக் கொண்டுள்ளது. லெய்செஸ்டர் சிற்றி 60 புள்ளிகளையும் டொட்டேன்ஹாம் ஹொட்ஸ்பூர் 58 புள்ளிகளையும் பெற்றுள்ளன.