நான்காமிடத்துக்கு முன்னேறினார் டெய்லர்

சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான துடுப்பாட்டவீரர்களுக்கான தரவரிசையில் நான்காமிடத்துக்கு நியூசிலாந்தின் றொஸ் டெய்லர் முன்னேறியுள்ளார்.

இந்தியாவுக்கெதிரான மூன்று போட்டிகள் கொண்ட ஒருநாள் சர்வதேசப் போட்டித் தொடரில் 199 ஓட்டங்களைப் பெற்றமையைத் தொடர்ந்தே இன்று வெளியிடப்பட்ட தரவரிசையில் ஐந்தாமிடத்திலிருந்து ஓரிடம் முன்னேறி நான்காமிடத்தை றொஸ் டெய்லர் அடைந்துள்ளார்.

இதேவேளை, இங்கிலாந்துக்கெதிரான மூன்று போட்டிகள் கொண்ட ஒருநாள் சர்வதேசப் போட்டித் தொடரில் 187 ஓட்டங்களைப் பெற்ற தென்னாபிரிக்காவின் குயின்டன் டி கொக், ஒன்பதாமிடத்திலிருந்து இரண்டு இடங்கள் முன்னேறி ஏழாமிடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. விராட் கோலி, 2. ரோஹித் ஷர்மா, 3. பாபர் அஸாம், 4. றொஸ் டெய்லர், 5. பப் டு பிளெஸி, 6. டேவிட் வோணர், 7. குயின்டன் டி கொக், 8. கேன் வில்லியம்சன், 9. ஜோ றூட், 10. ஆரோன் பின்ஞ்.

முதல் 10 பந்துவீச்சாளர்களின் தரவரிசை பின்வருமாறு,

1. ட்ரெண்ட் போல்ட், 2. ஜஸ்பிரிட் பும்ரா, 3. முஜீப் உர் ரஹ்மான், 4. ககிஸோ றபாடா, 5. பற் கமின்ஸ், 6. கிறிஸ் வோக்ஸ், 7. மொஹமட் ஆமிர், 8. மிற்செல் ஸ்டார்க், 9. மற் ஹென்றி, 10. லொக்கி பெர்கியூசன்.

இந்நிலையில், இந்தியாவுக்கெதிரான தொடரில் மூன்று விக்கெட்டுகளைக் கைப்பற்றியதுடன், 64 ஓட்டங்களைப் பெற்ற நியூசிலாந்தின் சகலதுறைவீரர் கொலின் டி கிரான்ட்ஹொம், எட்டாமிடத்திலிருந்து நான்கு இடங்கள் முன்னேறி நான்காமிடத்தை அடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. மொஹமட் நபி, 2. பென் ஸ்டோக்ஸ், 3. இமாட் வசீம், 4. கொலின் டி கிரான்ட்ஹொம், 5. கிறிஸ் வோக்ஸ்.