பெயார்ண் முனிச், பார்சிலோனா, செல்சி வெற்றி

இடம்பெற்று வரும் சம்பியன்ஸ் லீக் தொடரின் குழு நிலை ஆட்டங்களில் பெயார்ண் முனிச், பார்சிலோனா, செல்சி ஆகிய அணிகள் வெற்றி பெற்றுள்ளன. இவ்வணிகள், முறையே ஆர்சனல், பேட் பொரிசோவ், டைனமோ கீவ் ஆகிய அணிகளையே வெற்றி கொண்டுள்ளன.

பெயார்ண் முனிச், ஆர்சனல் அணிகளிடையே இடம்பெற்ற குழு எஃப் போட்டியில் பெயார்ண் முனிச் அணி 5-1 என்ற கோல் கணக்கில் வெற்றி பெற்றது. இவ்வெற்றியின் மூலம் பெயார்ண் முனிச் அணி அடுத்த சுற்றுக்கு தகுதி பெறுவது கிட்டத்தட்ட உறுதாகியுள்ளதுடன், ஆர்சனல் அணி அடுத்த சுற்றுக்கு தகுதி பெறுவதற்கு சிக்கலான நிலைமையை எதிர்நோக்கியுள்ளது.

அடுத்து தற்போதைய சம்பியன்களான பார்சிலோனா அணி, 3-0 என்ற கோல் கணக்கில் பேட் பொரிசோவ் அணியைத் தோற்கடித்து, விலகல் முறை சுற்றுக்கு தகுதிபெறுவதற்கான தனது வாய்ப்புக்களை மேலும் பலப்படுத்திக்கொண்டுள்ளது.

இதேவேளை, தொடர்ந்து தடுமாறி வரும் செல்சி அணிக்கு ஆறுதலளிக்கும் முகமாக, 2-1 என்ற ரீதியில் டைனமோ கீவ் அணியுடனான வெற்றி அமைந்தது. இந்த வெற்றியுடன் செல்சி அணி, குழு ஜியில் இரண்டாமிடத்துக்கு முன்னேறியுள்ளது.