பங்களாதேஷ் கிரிக்கெட் சபையின் தலைவராக தமிம் இக்பால்

பங்களாதேஷ் கிரிக்கெட் சபையின் புதிய தலைவராக முன்னாள் அணித்தலைவர் தமிம் இக்பாலை அந்நாட்டு அரசாங்கம் நியமித்துள்ளது.

அமினுல் இஸ்லாமை தலைவராகக் கொண்ட பங்களாதேஷ் கிரிக்கெட் சபையின் பணிப்பாளர் சபையை அந்நாட்டு அரசாங்கம் கலைத்த பின்னரே தமிமை கிரிக்கெட் சபைத் தலைவராக நியமித்துள்ளது.

கடந்தாண்டு ஒக்டோபரில் நடைபெற்ற கிரிக்கெட் சபைத் தேர்தல்களுக்கெதிரான பல்வேறுபட்ட குற்றச்சாட்டுகளை விசாரித்த ஐந்து பேர் கொண்ட விசாரணைக் குழுவின் பரிந்துரைகளின் அடிப்படையிலேயே பணிப்பாளர் சபை கலைக்கப்பட்டிருந்தது.

தமிம் தலைமையிலான 11 பேர் கொண்ட இடைக்கால நிர்வாக சபையில் இன்னொரு முன்னாள் அணித்தலைவர் மின்ஹஜுல் அபெடின், முன்னாள் வீரர் அதார் அலி கான் ஆகியோர் இடம்பெற்றுள்ளனர்.