‘பொடெனுக்கு உலகக் கிண்ண இடம் உறுதியில்லை’

சர்வதேச கால்பந்தாட்டச் சம்மேளன உலகக் கிண்ணக் குழாமில் மத்தியகளவீரர் பில் பொடெனுக்கென உறுதிப்படுத்தப்பட்ட இடம் இல்லை என இங்கிலாந்தின் முகாமையாளர் தோமஸ் துஷெல் தெரிவித்துள்ளார்.

உலகக் கிண்ணத்துக்கான 24 பேர் கொண்ட குழாமை துஷெல் தெரிவு செய்ய முன்னரான இரண்டு போட்டிகளையும் 25 வயதான பொடென் மாத்திரமே ஆரம்பித்தபோதும் புதன்கிழமை (01) நடைபெற்ற ஜப்பானுக்கெதிரான போட்டியில் முன்களவீரர் ஹரி கேனின் வெற்றிடத்தை நிரப்பத் தவறியிருந்தார்.

பயிற்சியில் பொடென் சிறப்பாக இருப்பதாகவும் ஆனால் களத்தில் அதைக் காண்பிக்கத் தடுமாறுவதாக துஷெல் கூறியுள்ளார்.