‘மிர்பூர் ஆடுகளம் சராசரிக்கு குறைவானது’

பங்களாதேஷ், இலங்கை அணிகளுக்கிடையிலான இரண்டு போட்டிகள் கொண்ட டெஸ்ட் தொடரின் இரண்டாவது போட்டி இடம்பெற்ற மிர்பூர் ஆடுகளம் சராசரிக்கு குறைவானது என சர்வதேச கிரிக்கெட் சபையால் தரப்படுத்தப்பட்டுள்ளது.

இதன் காரணமாக குற்றப் புள்ளியொன்றை மிர்பூர் ஆடுகளம் பெறுகின்ற நிலையில், இப்புள்ளி ஐந்து ஆண்டுகளுக்கு நீடிக்கவுள்ளது. ஐந்தாண்டு காலத்தில் ஐந்து குற்றப் புள்ளிகளைப் குறித்த மைதானம் பெறுமிடத்து, ஓராண்டுக்கு எந்தவொரு கிரிக்கெட் போட்டியையும் நடாத்துவதிலிருந்து இடைநிறுத்தப்படுமென்பது குறிப்பிடத்தக்கது.