மிலன் – லேஸியோ போட்டி சமநிலை

இத்தாலிய கால்பந்தாட்டக் கழகங்களுக்கிடையிலான விலகல் முறையிலான கோப்பா இத்தாலியா தொடரில், ஏ.சி மிலனின் மைதானத்தில் நேற்று முன்தினம இடம்பெற்ற ஏ.சி மிலன், லேஸியோ அணிகளுக்கிடையிலான முதலாவது சுற்று அரையிறுதிப் போட்டியில் இரண்டு அணிகளும் கோலெதனையும் பெறாத நிலையில் போட்டி சமநிலையில் முடிவடைந்தது.

இப்போட்டியில் 75ஆவது நிமிடத்தில், ஏ.சி மிலனின் முன்கள வீரர் பற்ரிக் குர்துன்னே தலையால் முட்டிய பந்தை லேஸியோவின் கோல் காப்பாளர் தோமஸ் ஸ்ரகோஷா அருமையாகத் தடுத்தமையைத் தொடர்ந்து, ஏ.சி மிலனின் மத்தியகள ஹஷன் சொலங்கு இலகுவாக கோல் பெறும் வாய்ப்பிருந்தபோதும், கோல் காப்பாளர் இல்லாத நிலையில், கோல் கம்பத்துக்கு வெளியே பந்தைச் செலுத்தியிருந்தார்.