மூன்றாமிடத்துக்கு முன்னேறினார் சூரியகுமார் யாதவ்

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான துடுப்பாட்டவீரர்களின் தரவரிசையில் மூன்றாமிடத்துக்கு இந்தியாவின் சூரியகுமார் யாதவ் முன்னேறியுள்ளார்.

அவுஸ்திரேலியாவுக்கெதிரான போட்டியில் 46 ஓட்டங்களைப் பெற்றமையைத் தொடர்ந்தே நான்காமிடத்திலிருந்து ஓரிடம் முன்னேறி மூன்றாமிடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. மொஹமட் றிஸ்வான், 2. ஏய்டன் மார்க்ரம், 3. சூரியகுமார் யாதவ், 4. பாபர் அஸாம், 5. டேவிட் மலான், 6. ஆரோன் பின்ஞ், 7. டெவோன் கொன்வே, 8. பதும் நிஸங்க, 9. முஹமட் வஸீம், 10. றீஸா ஹென்ட்றிக்ஸ்.

முதல் 10 பந்துவீச்சாளர்களின் தரவரிசை பின்வருமாறு,

1. ஜொஷ் ஹேசில்வூட், 2. தப்ரையாஸ் ஷம்சி, 3. அடில் ரஷீட், 4. ரஷீட் கான், 5. அடம் ஸாம்பா, 6. வனிடு ஹஸரங்க, 7. மகேஷ் தீக்‌ஷன, 8. முஜீப் உர் ரஹ்மான், 9. புவ்னேஷ்வர் குமார், 10. அகீல் ஹொஸைன்.

இதேவேளை, மேற்குறித்த போட்டியில் 71 ஓட்டங்களைப் பெற்ற இந்தியாவின் ஹர்டிக் பாண்டியா, சகலதுறைவீரர்களுக்கான தரவரிசையில் ஏழாமிடத்திலிருந்து இரண்டு இடங்கள் முன்னேறி ஐந்தாமிடத்தை அடைந்துள்ளார்.

1. ஷகிப் அல் ஹஸன், 2. மொஹமட் நபி, 3. மொயின் அலி, 4. வனிடு ஹஸரங்க, 5. ஹர்டிக் பாண்டியா.