மூன்றாமிடத்துக்கு முன்னேறிய பாண்டியா

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான சகலதுறை வீரர்களுக்கான தரவரிசையில் மூன்றாமிடத்துக்கு இந்தியாவின் ஹர்திக் பாண்டியா முன்னேறியுள்ளார்.

நியூசிலாந்துக்கெதிரான முதலாவது போட்டியில் 25 ஓட்டங்களைப் பெற்றதுடன், ஒரு விக்கெட்டைக் கைப்பற்றிய பாண்டியா இரண்டாம், மூன்றாம் போட்டிகளில் 3 விக்கெட்டுகளைக் கைப்பற்றிய பாண்டியா, நான்காமிடத்திலிருந்து ஓரிடம் முன்னேறி மூன்றாமிடத்தையடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. சிகண்டர் ராசா, 2. சைம் அயூப், 3. ஹர்திக் பாண்டியா, 4. றொஸ்டன் சேஸ், 5. மொஹமட் நவாஸ்.

இதேவேளை நியூசிலாந்துக்கெதிரான இப்போட்டிகளில் 171 ஓட்டங்களைப் பெற்ற இந்தியாவின் சூரியகுமார் யாதவ், துடுப்பாட்டவீரர்களுக்கான தரவரிசையில் 12ஆம் இடத்திலிருந்து ஐந்து இடங்கள் முன்னேறி ஏழாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. அபிஷேக் ஷர்மா, 2. பில் ஸோல்ட், 3. திலக் வர்மா, 4. ஜொஸ் பட்லர், 5. சஹிப்ஸடா பர்ஹான், 6. பதும் நிஸங்க, 7. சூரியகுமார் யாதவ், 8. ட்ரெவிஸ் ஹெட், 9. மிற்செல் மாஷ், 10. டிம் செய்ஃபேர்ட்.

இந்நிலையில் மேற்கிந்தியத் தீவுகளுக்கெதிரான இரண்டாவது போட்டியில் 4 விக்கெட்டுகளைக் கைப்பற்றிய ஆப்கானிஸ்தானின் முஜூப் உர் ரஹ்மான், 14ஆம் இடத்திலிருந்து ஐந்து இடங்கள் முன்னேறி ஒன்பதாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. வருண் சக்கரவர்த்தி, 2. ரஷீட் கான், 3. வனிது ஹசரங்க, 4. ஜேக்கப் டஃபி, அப்ரார் அஹ்மட், 6. அடில் ரஷீட், 7. முஸ்தபிசூர் ரஹ்மான், 8. நாதன் எலிஸ், 9. முஜீப் உர் ரஹ்மான், 10. அடம் ஸாம்பா.

இதுதவிர இலங்கைக்கெதிரான மூன்று ஒருநாள் சர்வதேசப் போட்டிகளில் 7 விக்கெட்டுகளைக் கைப்பற்றிய இங்கிலாந்தின் அடில் ரஷீட், ஒருநாள் சர்வதேசப் போட்டிகளுக்கான பந்துவீச்சாளர்களின் தரவரிசையில் 11ஆம் இடத்திலிருந்து ஆறு இடங்கள் முன்னேறி ஐந்தாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ரஷீட் கான், 2. ஜொஃப்ரா ஆர்ச்சர், 3. கேஷவ் மஹராஜ், 4. பெர்னார்ட் ஸ்கொல்ட்ஸ், 5. அடில் ரஷீட், 6. ஜொஷ் ஹேசில்வூட், மகேஷ் தீக்‌ஷன, 8. குல்தீப் யாதவ், 9. அப்ரார் அஹ்மட், 10. மிற்செல் சான்ட்னெர்.

முதல் 10 துடுப்பாட்டவீரர்களின் தரவரிசை பின்வருமாறு,

1. டரைல் மிற்செல், 2. விராட் கோலி, 3. இப்ராஹிம் ஸட்ரான், 4. றோஹித் ஷர்மா, 5. ஷுப்மன் கில், 6. பாபர் அஸாம், 7. ஹரி டெக்டர், 8. ஷாய் ஹோப், 9. சரித் அசலங்க, 10. லோகேஷ் ராகுல்.

முதல் ஐந்து சகலதுறைவீரர்களின் தரவரிசை பின்வருமாறு,

1. அஸ்மதுல்லா ஓமர்ஸாய், 2. சிகண்டர் ராசா, 3. மொஹமட் நபி, 4. மெஹிடி ஹஸன் மிராஸ், 5. ரஷீட் கான்.