மூன்றாமிடம் பாகிஸ்தானுக்கு

நியூசிலாந்தில் இடம்பெற்றுவரும் சர்வதேச கிரிக்கெட் சபையின் 19 வயதுக்குட்பட்டோருக்கான உலகக் கிண்ணத் தொடரில் பாகிஸ்தான் மூன்றாமிடத்தைப் பெற்றதோடு, ஆப்கானிஸ்தான் நான்காமிடத்தைப் பெற்றது.

பாகிஸ்தான், ஆப்கானிஸ்தான் அணிகளுக்கிடையே இன்று இடம்பெறவிருந்த மூன்றாமிடத்துக்கான போட்டி மழை காரணமாக எந்தவொரு பந்தும் வீசப்படாமல் கைவிடப்பட்டிருந்த நிலையில், குழு நிலைப் போட்டியில் ஆப்கானிஸ்தானை வென்று முன்னிலை பெற்றிருந்த பாகிஸ்தான், அதனடிப்படையில் மூன்றாமிடத்தைப் பெற ஆப்கானிஸ்தான் நான்காமிடத்தைப் பெற்றது.

இந்நிலையில், இந்தியா, அவுஸ்திரேலியாவுக்கிடையேயான இறுதிப் போட்டி, மெளன்ட் மகட்டரேயில் நாளை மறுதினம் காலை 6.30மணிக்கு ஆரம்பமாகவுள்ளது.