மூன்றாவது டெஸ்டில் ஆதிக்கம் செலுத்தும் அவுஸ்திரேலியா

தென்னாபிரிக்காவுக்கெதிரான மூன்றாவது டெஸ்டில் அவுஸ்திரேலியா ஆதிக்கம் செலுத்துகிறது.

சிட்னியில் நேற்று ஆரம்பித்த இப்போட்டியின் இன்றைய இரண்டாம் நாளை தமது முதலாவது இனிங்ஸில் 2 விக்கெட்டுகளை இழந்து 147 ஓட்டங்களுடன் ஆரம்பித்த அவுஸ்திரேலியா, உஸ்மான் கவாஜா, ஸ்டீவ் ஸ்மித் மூலம் ஓட்டங்களைக் குவவித்தது.

இந்நிலையில், 104 ஓட்டங்களுடன் கேஷவ் மஹராஜ்ஜிடம் ஸ்மித் வீழ்ந்த நிலையில், தொடர்ந்து வந்த ட்ரெவிஸ் ஹெட்டும் ஓட்டகளை வேகமாகப் பெற்றிருந்தார்.

பின்னர் 70 ஓட்டங்களுடன் ஹெட்டும் ககிஸோ றபாடாவிடம் வீழ்ந்த நிலையில், இன்றைய இரண்டாம் நாள் முடிவில் தமது முதலாவது இனிங்ஸில் 4 விக்கெட்டுகளை இழந்து 475 ஓட்டங்களைப் பெற்றுள்ளது. தற்போது களத்தில் கவாஜா 195 ஓட்டங்களுடனும், மற் றென்ஷோ ஐந்து ஓட்டங்களுடனும் ஆட்டமிழக்காமலுள்ளனர்.