மே. தீவுகளுக்கெதிரான தொடரிலிருந்து ஒவெர்ட்டன் விலகல்

மேற்கிந்தியத் தீவுகளுக்கெதிரான எஞ்சிய மட்டுப்படுத்தப்பட்ட ஓவர்கள் கொண்ட தொடரிலிருந்து இங்கிலாந்தின் சகலதுறைவீரரான ஜேமி ஒவெர்ட்டன் விலகியுள்ளார்.

முதலாவது ஒருநாள் சர்வதேசப் போட்டியின்போது வலதுகையின் சின்ன விரலை முறித்துக் கொண்ட பின்னரே இவ்வாறு விலக வேண்டியேற்பட்டுள்ளது.

ஒவெர்ட்டனுக்காக குழாமில் வேறெவரும் இணைத்துக் கொள்ளப்படாத நிலையில் வேகப்பந்துவீச்சாளர்கள் மத்தியூ பொட்ஸ், லுக் வூட் ஆகியோரில் ஒருவர் அல்லது சுழற்பந்துவீச்சாளர் டொம் ஹாட்லி அவரை அணியில் பிரதியிடுவாரென எதிர்பார்க்கப்படுகிறது.