றியல் மட்ரிட்டிலிருந்து விலகும் ஸிடான்

ஸ்பானிய லா லிகா கழகமான றியல் மட்ரிட்டின் முகாமையாளரான ஸினடி ஸிடான், நடப்பு பருவகால முடிவில் கழகத்திலிருந்து வெளியேறப் போவதாக தனது குழாமுக்குத் தெரிவித்துள்ளாரெனக் கூறப்படுகிறது.

றியல் மட்ரிட்டினுடனான் ஸிடானுடனான ஒப்பந்தமானது அடுத்தாண்டு வரையில் காணப்படுகின்ற நிலையில், “நீங்கள் இருக்க வேண்டிய மற்றும் நீங்கள் போக வேண்டிய தருணங்கள் காணப்படுகின்றன” என ஸிடான் கூறியுள்ளார்.

இந்நிலையில், ஸிடான் விலகுவாராயின், இங்கிலாந்து பிறீமியர் லீக் கழகமான எவெர்ற்றனின் முகாமையாளரான கார்லோ அன்சிலோட்டி, இத்தாலிய சீரி ஏ கழகமான ஜுவென்டஸின் முன்னாள் முகாமையாளரான மஸிமில்லியானோ அல்லெக்ரி ஆகியோர் அவரைப் பிரதியிடுவதற்கு கருதப்படுகின்றனர்.