றோமாவிலிருந்து வெளியேறும் அணித்தலைவர் டெக்கோ

இத்தாலிய சீரி ஏ கால்பந்தாட்டக் கழகமான றோமாவிலிருந்து அதன் அணித்தலைவர் எடின் டெக்கோ வெளியேறவுள்ளார் எனக் கூறப்படுகிறது.

றோமாவின் முகாமையாளர் போல் பொன்செகாவுடன் முரண்பட்டதைத் தொடர்ந்தே, றோமாவிலிருந்து அதன் முன்களவீரரான எடின் டெக்கோ வெளியேறவுள்ளார் எனப்படுகிறது.

இந்நிலையில், டெக்கோவைக் கைச்சாத்திட இன்னொரு இத்தாலிய சீரி ஏ கழகமான ஜுவென்டஸ், இங்கிலாந்து பிறீமியர் லீக் கழகங்களான எவெர்ற்றன், வெஸ்ட் ஹாம் யுனைட்டெட் ஆகியன ஆர்வமாயுள்ளதாகத் தெரிவிக்கப்படுகிறது.

றோமாவுக்காக 187 போட்டிகளில் விளையாடி 85 கோல்களை டெக்கோ பெற்றுள்ளார் என்பது குறிப்பிடத்தக்கது.