‘லிவர்பூலிலிருந்து நான் வெளியேறுகிறேன்’

இங்கிலாந்து பிறீமியர் லீக் கால்பந்தாட்டக் கழகமான லிவர்பூலிலிருந்து வெளியேறுவதாக அதன் பின்களவீரரான ட்ரென்ட் அலெக்ஸான்டர்-அர்னோல்ட் எக்ஸில் திங்கட்கிழமை (05) தெரிவித்துள்ளார்.

ஸ்பானிய லா லிகா கழகமான றியல் மட்ரிட்டுக்கு 26 வயதான அர்னோல்ட் செல்வாரென எதிர்பார்க்கப்படுகிறது.

ஆறு வயதிலிருந்து லிவர்பூலிலுள்ள அலெக்ஸான்டர் அர்னோல்ட், இரண்டு பிறீமியர் லீக் பட்டங்களையும், சம்பியன்ஸ் லீக்கையும், கழக உலகக் கிண்ணத்தையும் வென்றிருந்தார்.

கடந்த 2016ஆம் ஆண்டு அறிமுகத்தை மேற்கொண்டு 352 போட்டிகளில் 23 கோல்களை அலெக்ஸான்டர் அர்னோல்ட் பெற்றிருந்தார்.