விம்பிள்டன் போட்டிகள்: செரினா, மரே, வவ்றிங்கா வெற்றி

இடம்பெற்றுவரும் விம்பிள்டன் டென்னிஸ் போட்டிகளின் 2ஆம் நாள் போட்டிகளில், உலகின் முதல்நிலை வீராங்கனையான செரினா வில்லியம்ஸ், இரண்டாம் நிலை வீரரான அன்டி மரே உள்ளிட்ட முக்கிய வீர, வீராங்கனைகள் வெற்றிபெற்றுள்ளனர்.

சுவிற்ஸர்லாந்தின் அம்ரா சாதிகொவிச்சை எதிர்கொண்ட ஐக்கிய அமெரிக்காவின் செரினா வில்லியம்ஸ், 6-2, 6-4 என்ற செட் கணக்கில் வெற்றிபெற்று, இரண்டாவது சுற்றுக்கு முன்னேறினார்.

6ஆம் நிலை வீராங்கனையான இத்தாலியின் றொபேர்ட்ட வின்சி, அமெரிக்காவின் அலிஸன் றிஸ்கேயை 6-2, 5-7, 6-3 என்ற செட் கணக்கில் தோற்கடித்தார்.

முன்னாள் முதல்நிலை வீராங்கனையும் 45ஆம் நிலையில் உள்ளவருமான டென்மார்க்கின் கரோலின் வொஸ்னியாக்கி, ரஷ்யாவின் ஸ்வெட்லானா குஸ்னெற்ஸோவாவிடம் 5-7, 4-6 என்ற செட் கணக்கில் தோல்வியடைந்தார்.

ஆண்களில் உலகில் இரண்டாம் நிலை வீரரான பிரித்தானியாவின் அன்டி மரே, தனது சகநாட்டு வீரரான லியம் ப்ரோடியை எதிர்கொண்டு, 6-2, 6-3, 6-4 என்ற செட் கணக்கில் தோற்கடித்தார்.

5ஆம் நிலை வீரரான சுவிற்ஸர்லாந்தின் ஸ்டான் வவ்றிங்கா, ஐக்கிய அமெரிக்காவின் டெய்லர் பிறிட்ஸை, 7-6, 6-1, 6-7, 6-4 என்ற செட் கணக்கில் போராடி வெற்றிபெற்றார்.

8ஆம் நிலை வீரரான பிரான்ஸின் றிச்சர்ட் கஸ்கெட், பிரித்தானியாவின் அல்ஜாஸ் பெடேனே, 6-3, 6-4, 6-3 என்ற செட் கணக்கில் தோற்கடித்து, அடுத்த சுற்றுக்கு முன்னேறினார்.