வான்கடேவில் பூரன் ‘சிக்ஸர்’ வேட்டை

ஐபிஎல் 2026 தொடரின் 47-வது லீக் ஆட்டத்தில், மும்பை இந்தியன்ஸ் அணிக்கு எதிராக லக்னோ சூப்பர் ஜெயண்ட்ஸ் வீரர் நிக்கோலஸ் பூரன் சிக்சர் மழையைப் பொழிந்து மைதானத்தை அதிரவைத்தார்.

வெறும் 16 பந்துகளில் அரைசதம் கடந்து நடப்புத் தொடரின் அதிவேக அரைசதத்தைப் பதிவு செய்தார்.  21 பந்துகளில் 63 ஓட்டங்கள் எடுத்த அவர், தனது இன்னிங்ஸில் 8 பிரம்மாண்ட சிக்சர்களையும், ஒரு பவுண்டரியையும் விளாசினார்.மும்பை வான்கடே மைதானத்தின் நாலாபுறமும் பந்துகளைப் பறக்கவிட்ட பூரன், குறிப்பாக ‘லெக் சைடு’ திசையில் அதிக சிக்சர்களை அடித்து மும்பை பந்துவீச்சாளர்களைத் திணறடித்தார்.

இந்த அதிரடியின் மூலம் லக்னோ அணி 20 ஓவர்கள் முடிவில் 228 ஓட்டங்கள் குவித்தது. இருப்பினும், ரோகித் சர்மா மற்றும் ரியான் ரிக்கெல்டன் ஆகியோரின் சிறப்பான ஆட்டத்தால் மும்பை அணி இந்த இலக்கை எட்டி வெற்றி பெற்றது. தோற்றாலும், பூரனின் இந்த "8 சிக்சர்" அதிரடி ஆட்டம் சமூக வலைதளங்களில் "பூரன் பவர்" (Pooran Power) என்ற பெயரில் வைரலாகி வருகிறது