விம்பிள்டன்: வெளியேற்றப்பட்ட சிட்டிபாஸ், குவிற்றோவா

பிரித்தானியத் தலைநகர் இலண்டனில் நேற்று ஆரம்பமான விம்பிள்டன் டென்னிஸ் தொடரிலிருந்து, அன்றைய முதல் நாளிலேயே உலகின் நான்காம் நிலை வீரரான ஸ்டெபனோஸ் சிட்டிபாஸ், 10ஆம் நிலை வீராங்கனையான பெற்றா குவித்தோவா ஆகியோர் வெளியேற்றப்பட்டுள்ளனர்.

தனது முதலாவது சுற்றுப் போட்டியில் ஐக்கிய அமெரிக்காவின் பிரான்ஸிஸ் தியஃபோவை எதிர்கொண்ட கிரேக்கத்தின் சிட்டிபாஸ், 4-6, 4-6, 3-6 என்ற நேர் செட்களில் தோல்வியடைந்து வெளியேறினார்.

இந்நிலையில், தனது முதலாவது சுற்றுப் போட்டியில், ஐ. அமெரிக்காவின் ஸ்லோனே ஸ்டீவன்ஸை எதிர்கொண்ட செக் குடியரசின் குவித்தோவா, 3-6, 4-6 என்ற நேர் செட்களில் தோல்வியடைந்து தொடரிலிருந்து வெளியேறினார்.