வெஸ்ட் ஹாமிடம் தோற்ற யுனைட்டெட்

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், வெஸ்ட் ஹாம்
யுனைட்டெட்டின் மைதானத்தில் நேற்று முன்தினமிரவு நடைபெற்ற அவ்வணியுடனான
போட்டியில் 0-2 என்ற கோல் கணக்கில் மன்செஸ்டர் யுனைட்டெட் தோற்றது.
வெஸ்ட் ஹாம் சார்பாக, ஜரோட் பெளவன், மொஹமட் கூடூஸ் ஆகியோர் தலா ஒவ்வொரு
கோலைப் பெற்றனர்.

இதேவேளை லிவர்பூலின் மைதானத்தில் நடைபெற்ற அவ்வணியுடனான போட்டியை 1-1 என்ற
கோல் கணக்கில் ஆர்சனல் சமப்படுத்தியது. ஆர்சனல் சார்பாகப் பெறப்பட்ட கோலை கப்ரியல்
பெற்றதோடு, லிவர்பூல் சார்பாகப் பெறப்பட்ட கோலை மொஹமட் சாலா பெற்றார்.

இந்நிலையில், தமது மைதானத்தில் நடைபெற்ற எவெர்ற்றனுடனான போட்டியை 2-1 என்ற
கோல் கணக்கில் டொட்டென்ஹாம் ஹொட்ஸ்பர் வென்றது. டொட்டென்ஹாம் சார்பாக,
றிஷலிஷன், சண் ஹெயுங்-மின் ஆகியோர் தலா ஒவ்வொரு கோலைப் பெற்றனர். எவெர்ற்றன்
சார்பாகப் பெறப்பட்ட கோலை அன்ட்ரே கோமஸ் பெற்றிருந்தார்.