ஸ்கொட்லாந்து, அவுஸ்திரேலியா, இங்கிலாந்து வெற்றி

இடம்பெற்றுவரும் றக்பி உலகக் கிண்ணப் போட்டிகளில், ஸ்கொட்லாந்து, அவுஸ்திரேலிய, இங்கிலாந்து அணிகள் வெற்றிபெற்றுள்ளன.

ஸ்கொட்லாந்து அணிக்கும் சமோவா அணிக்குமிடையிலான போட்டியில், ஸ்கொட்லாந்து அணி 36-33 என்ற புள்ளிகள் கணக்கில் வெற்றிபெற்று, காலிறுதிக்கான தங்களது இடத்தை உறுதிப்படுத்திக் கொண்டது.

இப்போட்டியின் முதற்பாதி முடிவில் 23-26 என்ற புள்ளிகள் கணக்கில் பின்தங்கியிருந்த ஸ்கொட்லாந்து, இரண்டாவது பாதியில் சிறப்பான ஆட்டத்தை வெளிப்படுத்தி, வெற்றிபெற்றது.

அவுஸ்திரேலிய, வேல்ஸ் அணிகளுக்கிடையிலான போட்டியில் அவுஸ்திரேலிய அணி 15-6 என்ற புள்ளிகள் கணக்கில் வெற்றிபெற்றது. ஆரம்பத்திலிருந்தே முன்னிலையில் காணப்பட்ட அவுஸ்திரேலிய அணி, முதற்பாதி முடிவில் 9-6 என்ற புள்ளிகள் கணக்கில் முன்னிலை வகித்ததோடு, இரண்டாவது பாதியில் மேலதிகமாக 6 புள்ளிகளைப் பெற்று, வெற்றிபெற்றது.

இங்கிலாந்து, உருகுவே அணிகளுக்கிடையிலான போட்டியில், இங்கிலாந்து அணி 60-3 என்ற புள்ளிகள் கணக்கில் வெற்றிபெற்றது. தொடரிலிருந்து ஏற்கெனவே வெளியேற்றப்பட்டுள்ள இங்கிலாந்து அணி, இதன்மூலம், வெற்றியுடன் இத்தொடரை முடிவுசெய்தது.

உருகுவே அணியால் பெறப்பட்ட 3 புள்ளிகள், போட்டியில் முதலாவதாகப் பெறப்பட்ட புள்ளிகள் என்பதோடு, அதன் பின்னர் முழுமையான ஆதிக்கத்தை வெளிப்படுத்திய இங்கிலாந்து அணி, 60 தொடர்ச்சியான புள்ளிகளைப் பெற்று, வெற்றிபெற்றது.