இலவச சிங்கள, ஆங்கிலமொழி வகுப்பு

-ஏ.எச்.ஏ.ஹுஸைன்

மட்டக்களப்பு மாவட்ட சிவில் பிரஜைகள் சபையின் ஏற்பாட்டில் இலவசமாக சிங்கள, ஆங்கிலமொழி வகுப்பு ஆரம்பிக்கப்படவுள்ளதாக அம்மாவட்டச் சிவில் பிரஜைகள் சபைத் தலைவர் வர்ணகுலசிங்கம் கமலதாஸ் தெரிவித்தார்.

இந்த இலவச வகுப்பு கிரான் பிரதேசத்தில்; எதிர்வரும் 21ஆம் திகதி ஆரம்பிக்கப்படவுள்ளதாகவும் 4 மாதங்களைக் கொண்ட இப்பயிற்சியின் நிறைவில் அரசாங்க அங்கிகாரம் பெற்ற சான்றிதழ் வழங்கப்படும் எனவும் அவர் கூறினார்.

இன ஐக்கியத்துக்கும்; அறிவாற்றல் விருத்திக்கும் மொழி அறிவு முக்கியம் என்பதால், இந்த சக மொழி வகுப்புகளை இலவசமாக நடத்துவதற்கு திட்டமிடப்பட்டுள்ளதாகவும் அவர் கூறினார்.