போரதீவுப்பற்றில் பவுசர் மூலம் 16,000 லீற்றர் நீர் விநியோகம்

-வடிவேல் சக்திவேல்

மட்டக்களப்பு, போரதீவுப்பற்றுப் பிரதேச சபைக்கு உட்பட்ட பகுதிகளில் தினமும் 16,000 லீற்றர் நீர் பவுசர் மூலம் பொதுமக்களுக்கு விநியோகிக்கப்படுவதாக  அப்பிரதேச சபை தெரிவித்தது.

மட்டக்களப்பு மாவட்டத்தில் வரட்சியான காலநிலை ஏற்பட்டுள்ளது. இதனால், போரதீவுப்பற்றுப் பிரதேச செயலகப் பிரிவுக்கு உட்பட்ட படுவான்கரைப் பகுதியில் அமைந்துள்ள வெல்லாவெளிக்குளம், கோவில் போரதீவுக்குளம், பெரிய போரதீவு பெரியகுளம், வட்டிக்குளம் ஆகியவற்றில் நீர் முற்றாக வற்றிக் காணப்படுகின்றன. மேலும், கடுக்காமுனைக்குளம், தும்பங்கேணிக்குளம் உள்ளிட்டவற்றில்  நீர்மட்டம் குறைவடைந்து காணப்படுகின்றன.