தண்ணீரில் பணம்: துண்டு பிரசுரம் விநியோகம்

Kogilavani / 2014 மார்ச் 04 , மு.ப. 09:07 - 0 - {{hitsCtrl.values.hits}}

-ஏ.எச்.ஏ.ஹுஸைன்

அவுஸ்திரேலியா அரசாங்கம் விடுக்கும் செய்தி என்ற பெயரில் 'ஆட்கடத்தல்காரர்களின் பொய்களுக்கு ஏமாந்து நீங்கள் கஷ்டப்பட்டு உழைத்த பணத்தை வீணாக்க வேண்டாம்' என்ற வசனங்கள் எழுதப்பட்ட துண்டு பிரசுரங்கள் கிழக்குக் கரையோரங்களில் பரவலாக விநியோகிக்கப்பட்டுள்ளன.

இதற்கும் மேலதிகமாக பெரிய விளம்;பரப் பலகைகளும் மக்கள் கூடும் இடங்களில் காட்சிக்கு வைக்கப்பட்டுள்ளன.

'பணம் தண்ணீரில்' என்ற தலைப்பிட்டு வெளியிடப்பட்டுள்ள அந்தப் பிரசுரத்தில் தெரிவிக்கப்டப்டுள்ளதாவது,

'வீசா இல்லாமல் படகில் ஏறும் நீங்கள் அவுஸ்திரேலியாவைச் சென்றடைய மாட்டீர்கள்', 'குடும்பத்தினர் சிறுவர்கள் ஆதரவற்ற பிள்ளைகள் கல்வித் தகைமை கொண்டவர்கள் அல்லது விஷேட தகுதிகளையுடையோர் அனைவருக்குமே இந்தச் சட்டம் பொருந்தும்', 'நீங்கள் யாராக இருந்தாலும் எங்கிருந்து வந்தாலும் அவுஸ்திரேலியாவில் குடியமர முடியாது', 'வீசா இல்லாமல் படகுகளில் அவுஸ்திரேலியாவுக்குப் போகவேண்டாம்' என்று எச்சரித்து அந்தப் பிரசுரங்களில் பதாதைகளிலும் வாசகங்கள் பொறிக்கப்பட்டுள்ளன.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .