விபத்தில் குடும்பஸ்தர் உயிரிழப்பு

-ஆர்.ஜெயஸ்ரீராம்

மட்டக்களப்பு, வாகரை பிரதேசத்தில் இடம்பெற்ற விபத்தில்; புச்சாக்கேணி, கதிரவெளியைச் சேர்ந்த  4 பிள்ளைகளின் தந்தையான ப.தயாபரன் (வயது 37) என்ற குடும்பஸ்தர்  நேற்று புதன்கிழமை (18) உயிரிழந்துள்ளதாக வாகரை பொலிஸார் தெரிவித்தனர்.

வியாபார நடவடிக்கைகளை முடித்துவிட்டு தனது வீடு நோக்கி சென்றுகொண்டிருந்தபோது, பால்சேனை - திருமலை வீதியில் குறுக்கே நின்ற கட்டாக்காலி மாடு ஒன்றுடன் மோதி இந்த விபத்து இடம்பெற்றது. இதன்போது,   தலையில் படுகாயமடைந்த இவர்,  வாகரை வைத்தியசாலையில் அனுமதிக்கப்பட்டு,  மட்டக்களப்பு போதனா வைத்தியசாலைக்கு மாற்றப்பட்டார். இந்த நிலையிலேயே இவர் சிகிச்சை பலனின்றி உயிரிழந்துள்ளதாகவும் பொலிஸார் கூறினர்.