அழகுக்கலைப் பயிற்சி நெறி

கே.எல்.ரி.யுதாஜித் 

தேசிய இளைஞர் சேவைகள் மன்றமும் வேள்ட் விஷன் நிறுவனமும் இணைந்து சுயதொழில் முயற்சியாளர்களான இளைஞர்களுக்குரிய 3 நாட்கள் வதிவிட அழகுக்கலைப் பயிற்சி நெறியொன்றை நடத்துகின்றனர்.

கோரளைப்பற்று  தெற்கு (கிரான்) பிரதேச செயலாளர் பிரிவைச் சேர்ந்த யுவதிகள் பங்குபெறும் இந்த மூன்று நாட்கள் வதிவிட செயலமர்வு, சத்துருக்கொண்டானிலுள்ள சர்வோதயத்தில் நடைபெறுகிறது.

இன்றைய தினம் (20) காலை நடைபெற்ற இதன் ஆரம்ப நிகழ்வு, கிரான் பிரதேச இளைஞர் சேவைகள் உத்தியோகஸ்தர் த.விந்தியன் தலைமையில் நடைபெற்றது.

இந்த நிகழ்வில், இளைஞர் சேவைகள் மன்ற மட்டக்களப்பு மாவட்ட உதவி பணிப்பாளர் எம்.எல்.எம்.என்.நைறூஸ் பிரதம அதிதியாகக்கலந்து கொண்டார். அத்துடன், மாவட்ட இளைஞர் சேவைகள் மன்ற உத்தியோகஸ்தர் திருமதி நிசாந்தினி அருள்மொழி,  வேள்ட் விஷன் நிறுவன கிரான் திட்ட முகாமையாளர் செல்வி தர்மகுலராஜா கவிதா, கிரான் பிரதேச திறன் அபிவிருத்தி உத்தியோகத்தர் இ.ரஜனிகாந்த் உட்டோரும் வளவாளர்களும் கலந்துகொண்டனர்.